நானொரு நல்லவன்

பிரிவுகளை பற்றி கவலைபடுகிற நிலையில் நானில்லை

சேர்ந்திருப்பது பற்றி தெரியவில்லை

காதல் என்றவுடன் மதில் மேல் பூனை

பிள்ளை வளர்ப்பு மற்றவர் கவலை

மனைவி என்பவள் சுமக்கட்டும் தொல்லை

என் கையில் எதுவும் இல்லை 

 

 

 நீண்ட பயணம்

தொந்தரவில்லா தூக்கம்

தென்னை மரத்து இளநீர்

கட்டி தயிர் 

கறியோடு சோறு     

பெற்றவருக்கு செல்ல பிள்ளை

கழியும் ஞாயிறு

 

நகர்புறத்தில் வீடு

நாடறிந்த தனிமை

துணைக்கு தொலைக்காட்சி

உணவகங்களுக்கு நண்பர்கள்

மாத சம்பளம்

வாரமொரு முறை வழிப்போக்கன் விஜயம்     

 

அசதி,மறதி,அறியேன் என 

காரணம் சொல்லி எங்கிருந்தும் தப்பிப்பேன்

நானொரு நல்லவன்