லேட்டா போனா

ஆபீஸ்க்கு தினமும் நான் லேட்டா வருவது வழக்கம் .எல்லாரும் 9 மணிக்கு வர சொல்லி பல வழிகளிலே சொல்லி பார்த்தாங்க . மிரட்டியும் பார்த்தாங்க. பயங்கரமா அறிவுரை எல்லாம் கூட பண்ணினாங்க . திருந்துவோமா நாம !!!

பிரச்சனை என்னன்னா ..வேலை அவ்வளவு இருந்தாலும் பரவால்ல . ஆனா ஒன்னுமே இல்லாமே எவ்வளவு நேரம் தான் ஆணி புடுங்கற மாதிரியே நடிக்கிறது ?. கடைசியா appraisal-லே கூட எழுதினாங்க . நான் எதையுமே கண்டுக்கலை.

திடீர்னு ஒரு நாள் நம்ம பக்கத்து சீட்டு பய புள்ளே என்கிட்டே வந்து இப்படி கேட்டுச்சு .
"தினமும் நீ ஏன் லேட்டா வரே"

நான் உடனே சொல்றதுக்கு ஆளு கெடச்ச வேகத்துலே பட்டியல் போட்டேன்

"காலையிலே சமையல் செஞ்சு , பாத்திரம் துலக்கி, பால் வாங்கிட்டு வந்து ,வீடு கூடி , காய் கறி வாங்கி ..."

நான் பேசிக்கிட்டு இருக்கும் போதே

"இதெல்லாம் நீ உன் வீட்டுலே மட்டும் தான் செய்யறியா... இல்லே அக்கம்பக்கத்து வீடுகளிலேயும் போய் செய்யறியா " அப்படின்னு கேட்டுபுட்டான்
ஆகா !!! உட்காந்து யோசிப்பான் போலே இருக்கே ..!!
நான் பதில் எதுவும் பேசாமே , அமைதியா உட்காந்து வேலை பார்க்க ஆரம்பிச்சுட்டேன்.மறு நாள் வழக்கம் போல லேட்டா போனேன்.இந்த பய என்னை பார்த்து, இன்னிக்கு என்னாச்சு அப்படிங்கற மாதிரியே பார்வையை எடுத்து வச்சான் .. நான் உஷாராகிட்டேன் .. ராஸ்கல் யாரு கிட்டே !!!

"ஒன்னும் இல்லே ... இன்னிக்கி ரெண்டு வீடு சேர்த்தி வேலை பார்க்க வேண்டியதா போச்சு அதான் லேட்டு " அப்டின்னு சொல்லிட்டு வேலையை பார்க்க ஆரம்பிச்சிடோமுல்லே !!!!!!!!!!!!!!!